Kungecala emva kwentsimbi yesisine. Khwasusu uThembela, wadlikidla uMpumezo.
Mpumezo: (Esesebuthongweni) “Mmmmmh?”
Thembela: (Ephuma emandlalweni) “Vuka! Undikhaphe! Uzobetha ngoku u5am kwaye andifuni kubonwa ngabantu ukuba bendilele apha.
Mpumezo: (Eguqukela edongeni) “Who cares? (Egqumathela ngeengubo) Kusebusuku buya uzolala”
Thembela: (Ekhangela iimpahla zakhe) “Akhange uyibone ipeynti yam? Siphi esinye isihlangu sam?”
Mpumezo: “Ubuyikhululele phi wena lompahla yakho?
Thembela: “Tyhini! Makube ubiwe! Akhange ndizikhulule mpahla mna! Ikhululwe nguwe! Makube ubuhoye le ubuyifuna ke!”
Mpumezo: (Esagqumathele) “Ikwalapho wethu kjhangelisisa nawe)
Thembela: (Caba ude wayibhaqa. Enxiba) “Ndicela uvuke torho undikhaphe!”
Mpumezo: (Ebudikwa) “Ohk! Ohk!”
Thembela: “Baby! Ndicela undiboleke iR100 ndizokunika ngokuhlwa xa ndibhatalweyo kulantente siya kuyo namhlanje, please”
Mpumezo: (Enxiba naye) “Ok! Uyazi ke ukuba ndikunika kule yomnikelo, uyibuyise ke”
Thembela: “Sapha kaloku! Ndisakhangela isihlangu sam apha phantsi kwebhedi”
Mpumezo: (Caba ucinge nto) “Yima ndikujongele!” (Engena ngaphantsi kwebhedi) “Hay, asikho apha”
(Kodwa akakhawuleza ukuphuma. Ubone intloko yakhe yegusha abe
ebeyiqhushe ke ngephezolo. Igrenyiwe ziimpuku, kula plate kugcwele
ukunya kweempuku noboya bazo. Caba bezizidalela kwesi sisulu)
Thembela: (Ezama ukukroba naye phantsi kwebhedi bukhangela isihlangu
sakhe) “Uhlelele ntoni ke ngoku apho? Yintoni le uyibonayo apho?”
Mpumezo: (Ephuma kunye nesi sihlangu ebengasiboni) “Nasi! Ndibona
impuku efele apha phantsi kwebhedi, kuyacaca ukuba ifele apha phezolo,
ayikanuki”
Thembela: “Yikhuphe kaloku uyilahle ingekanuki”
Mpumezo: “Mandiqale ndikhaphe wena!”
(Watsho emtyhilizela ngasemnyango uThembela)
UThembela ke uhlala kudana kunale inguMpumezo. UMpumezo uhlala
eBarcelona eLower Crossroads, eBlock 4, ngakwaJali. UThembela yena
uhlala eNewrest kwalapha eLower, ngaseHerchelle. Ingumgamana omde ke
ukuya apho. Indoda kumele iqine isibindi ukuya pha ngexesha lasebusuku.
Ugqitha kwiindawo ezininzi ezimnyama, kwaye kwa ukuphuma kwi Barcelona
ikwa yimigudu.
Behla bebambene ukuya ngaseholweni yoluntu.
Kwale xa kuvela umntu, suke bayekane ukubambana, inge lomntu uyabazi.
Kwakuthi nkcwe baphinde babambane.
Phofu; ngelixesha asingabo
bodwa izadwenge ezikhaphanayo. Asingabo bodwa abakulemeko bakuyo. Kwaye
ingelolutsha kuphela olwenza lomkhuba wabo. Babona abantu abadala,
nabancinci beletsheza kucaca bavela kwezabo. Mna, ndinombo wabo banxibe
iinighty, ipijama abanye babetha ngootranki. Kukwakho nabo bombethe
iingubo! Kuxakekiwe!
Lade lafika ixesha lokujika kwendedeba. Benzana ke le nawe uyaziyo xa kujikwa kusahlukwana!
Yayibhabha ukuya endlwini inkosi enkulu, inga ingaletsheza ukuyofika
endlwini. Ingxamele nto...! iphathe kubaleka; igxanye; inkcunkce;
igijime okanye itsho ngejubane. Yayiphatha kubheka bheka kwakuthi thu
isithatha sezibane seemoto. Ilunguze yakuva kurhwatshaza kufutshane,
kuthi rhiphu umbilini ke kwakukhonkotha izinja! Kodwa ngelingeni umfo
wazokufika egumbini lakhe langasemva. Uvule engxamile!
Waqonda ngoo pha....!
# DOUO
No comments:
Post a Comment